‘हामी निर्वाचित भएर आएकै दिनदेखि यी टहरालाई हटाएर व्यवस्थित गर्ने गरी काम सुरु गरेका थियौँ । दर्जनौँ पटक बैठक भएका छन्,’ उनले भने, ‘अहिले व्यवसायीले पनि साथ दिनुभयो । सहज रूपमा टहरा हटाउने काम भएको छ ।’ त्यसो त, व्यवसायीहरूले विना विकल्प हटाउन लागेको भन्दै यसअघि मुद्दा समेत हालेका थिए । अदालतले स्कुलकै पक्षमा फैसला गरेपछि टहरा हटाउन व्यवसायी राजी भएका हुन् । महानगर स्रोतका अनुसार यसपछि बन्ने व्यवस्थित सटरहरूमा पुराना व्यवसायीलाई प्राथमिकता दिने मौखिक सहमति भएको छ ।